रविवार, २९ जुलै, २००७

मराठी मातीतल्या मर्द मराठी माणसांसाठीचा मंत्रोपदेश!

निश्चयाचा महा-मेरू, बहुत जनांसी आधारू,अखंड स्थितीचा निर्धारु, श्रीमंतयोगी!
यशवंत,कीर्तिवंत,सामर्थ्यवंत,वरदवंत,पुण्यवंत,नीतिवंत,जाणता राजा!
आचारशील,विचारशील,दानशील,धर्मशील,
सर्वज्ञपणे सुशील,सकळा ठायी!
धीर,उदार,गंभीर,शूरत्रियेसी तत्पर,
सावधपणे नृपवर तूच केले!
कित्येक दुष्ट संहारिले,कित्येकांस धाक सुटला,
कित्येकांसी आश्रयो झाला,शिव-कल्याण राजा!
शिवराजास आठवावे,जीवित तृणवत मानावे,इहलोकी,परलोकी,राहावे,कीर्तिरूपे!
शिवरायांचे आठवावे रूप,शिवरायाचा आठवावा साक्षेप,शिवरायाचा आठवावा प्रताप,भूमंडळी!
शिवरायांचे कैसे बोलणे,शिवरायांचे कैसे चालणे,शिवरायांची सलगी देणे,कैसी असे!
सकळ सुखाचा केला त्याग,करुनी साधिजे तो याग,राज्य साधनाची लगबग,कैसी केली!
त्याहुनी करावे विशेष,तरीच म्हणवावे पुरुष,याउपरी आता विशेष,काय लिहावे?

-समर्थ रामदास